शैक्षणिक कर्ज व्याज परतावा योजना

1. राज्य, देशांतर्गत व आंतराष्ट्रीय अभ्यासक्रमासाठी प्रवेश घेतलेले नाभिक समाजातील विद्यार्थी /विद्यार्थिनींना उच्च शिक्षणाकरीता बँकेमार्फत उपलब्ध शैक्षणिक कर्ज रकमेवरील व्याजाचा परतावा करणे.
2. शैक्षणिक अभ्यासक्रम पूर्ण होईपर्यंतच्या कालावधीसाठीच बँकेकडून मंजूर कर्ज रक्कमेवरील व्याज परतावा महामंडळाकडून विद्यार्थ्यांना आधारलिंक बँक खात्यात अदा करण्यात येईल.
3. विद्यार्थ्यांच्या शैक्षणिक हिताच्या दृष्टीकोनातून त्यांना उच्च शिक्षणासाठी प्रोत्साहित करणे, शैक्षणिक व आर्थिकदृष्ट्या सक्षम करणे.
4. नाभिक समाजातील विद्यार्थी / विद्यार्थिनींना उच्च शिक्षणासाठी बँकेकडून राज्यांतर्गत व देशांतर्गत अभ्यासक्रमासाठी रु.10.00 लक्ष व परदेशी अभ्यासक्रमासाठी रु.20.00 लक्ष महत्तम कर्ज मर्यादेत वितरीत केलेल्या रकमेवरील कमाल 12% व्याज परतावा महामंडळामार्फत अदा करण्यात येईल.
5. विद्यार्थ्यांचे वय 17 ते 30 वर्ष असावे व तो इतर मागास प्रवर्गातील महाराष्ट्राचा रहिवाशी असावा.
6. अर्जदाराची कौटुंबिक वार्षिक उत्पन्नाची मर्यादा शासनाने वेळोवेळी निर्धारित केलेल्या नॉन क्रिमीलेयरच्या मर्यादेत असावी.
7. विद्यार्थ्यांने महामंडळाकडून सशर्त पात्रता प्रमाणपत्र प्राप्त झाल्यानंतरच बँकेकडून कर्ज प्रकरण मंजूर करुन घ्यावे लागेल.
8. अभ्यासक्रम :-
   • आरोग्य विज्ञान
   • अभियांत्रिकी
   • व्यावसायिक व व्यवस्थापन
   • कृषी, अन्न प्रक्रिया व पशुविज्ञान अभ्यासक्रम.
9. राज्यांतर्गत अभ्यासक्रमः केंद्रीय परिषद, कृषी विद्यापीठ परिषद, शासकीय अनुदानित व खाजगी मान्यताप्राप्त ( मानांकन प्राप्त) शैक्षणिक संस्थेत अभ्यासक्रमासाठी शासनमान्य सामाईक पात्रता परीक्षा उत्तीर्ण झालेल्या व त्यानुसार प्रवेश घेतलेल्या विद्यार्थ्यांसाठी.
10. देशांतर्गत अभ्यासक्रमः देशातील नामांकित संस्थेत प्रवेश घेतलेले विद्यार्थी पात्र असतील.
11. परदेशी अभ्यासक्रमासाठी: च्या रँकिंग / गुणवत्ता, पात्रता परीक्षा ग्रॅज्युएट रेकॉर्ड परीक्षा , परदेशी भाषा म्हणून इंग्रजीची चाचणी उत्तीर्ण झालेले विद्यार्थी पात्र असतील.
12. शैक्षणिक अभ्यासक्रमामध्ये सक्षम प्राधिकरणाने / शासनाने बदल किंवा नवीन अभ्यासक्रम समाविष्ट केल्यास त्यानुषंगाने बदल करण्याचे अधिकार महामंडळाच्या संचालक मंडळास असतील.

msobcfdc.in

लाभार्थी:

--

फायदे:

--